ಸೋಮವಾರ, ಜುಲೈ 2, 2012

ಗಣಕಿಂಡಿ - ೧೬೩ (ಜುಲೈ ೦೨, ೨೦೧೨)

ಅಂತರಜಾಲಾಡಿ

ತುಳು ಅಕಾಡೆಮಿ

ಸುಮಾರು ೨೦ ಲಕ್ಷ ಜನ ಮಾತನಾಡುವ ಭಾಷೆ ತುಳು. ಕೇರಳದ ಕಾಸರಗೋಡು, ಮಂಗಳೂರು ಮತ್ತು ಉಡುಪಿ ಜಿಲ್ಲೆಗಳಲ್ಲಿ ಪ್ರಮುಖವಾಗಿ ಮಾತನಾಡುವ ಭಾಷೆ ಇದು. ಸಂವಿಧಾನದ ಎಂಟನೆಯ ಪರಿಚ್ಛೇದದಲ್ಲಿ ಇನ್ನೂ ಸೇರ್ಪಡೆಯಾಗಿಲ್ಲ. ಒಂದು ಕಾಲದಲ್ಲಿ ತುಳು ಭಾಷೆಗೆ ತನ್ನದೇ ಆದ ಲಿಪಿ ಇತ್ತು. ಈಗ ಅದು ಬಳಕೆಯಲ್ಲಿಲ್ಲ. ಈಗ ಬಹುಪಾಲು ತುಳು ಭಾಷಿಕರು ತುಳುವನ್ನು ಕನ್ನಡ ಲಿಪಿಯಲ್ಲೇ ಬರೆಯುತ್ತಾರೆ. ಕರ್ನಾಟಕ ಸರಕಾರವು ತುಳು ಭಾಷೆಗೆ ಒಂದು ಅಕಾಡೆಮಿಯನ್ನು ಸ್ಥಾಪಿಸಿದೆ. ಅದರ ಜಾಲತಾಣ www.tuluacademy.org. ಎಲ್ಲ ಸರಕಾರಿ ಜಾಲತಾಣಗಳಂತೆ ಎಲ್ಲ ಪದಾಧಿಕಾರಿಗಳ ಹೆಸರು, ಇತರೆ ಅಕಾಡೆಮಿಯ ಇತರೆ ವಿವರಗಳು ಇವೆ. ತುಳು ಭಾಷೆಯಲ್ಲಿ ಮಾತ್ರ ಏನೇನೂ ಲೇಖನ, ಮಾಹಿತಿ ಇಲ್ಲ. ಇಲ್ಲೋ ಒಂದೆರಡು ವಾಕ್ಯಗಳು ಮಾತ್ರ ತುಳು ಭಾಷೆಯಲ್ಲಿ ಇವೆ.

ಡೌನ್‌ಲೋಡ್

ಪಿಯಾನೋ

ಪಿಯಾನೊ ಕಲಿಯಬೇಕೇ? ಕಲಿತು ಬಾರಿಸಬೇಕೇ? ಪಿಯಾನೊ ತುಂಬ ದುಬಾರಿ ಸಂಗೀತ ಉಪಕರಣ. ಸುಲಭದಲ್ಲಿ ಪಿಯಾನೊ ಕಲಿಯಬೇಕಾದರೆ ಅದಕ್ಕೆಂದೇ ಒಂದು ಉಚಿತ ತಂತ್ರಾಂಶ ಲಭ್ಯವಿದೆ. ಅದರ ಹೆಸರು Midi Player Tool. ಈ ತಂತ್ರಾಂಶವನ್ನು ಇನ್‌ಸ್ಟಾಲ್ ಮಾಡಿಕೊಂಡರೆ ಗಣಕದ ಪರದೆಯ ಮೇಲೆ ಮಿಥ್ಯಾ ಪಿಯಾನೋ ಕಾಣಿಸುತ್ತದೆ. ಅದನ್ನು ಮೌಸ್ ಬಳಸಿ ಅಥವಾ ಕೀಲಿಮಣೆ ಬಳಸಿ ಬಾರಿಸಬಹುದು. ಸಂಗೀತದ ಸಂಕೇತ ಭಾಷೆ ಗೊತ್ತಿದ್ದಲ್ಲಿ ಅವುಗಳನ್ನು ಊಡಿಸಿ ಸಂಗೀತ ನುಡಿಸಬಹುದು. ಈ ತಂತ್ರಾಂಶ ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲಾಣ sourceforge.net/projects/miditool.

e - ಸುದ್ದಿ


ಇನ್ನು ಪೈರೇಟ್ ಬೇ ಬಳಸಬಹುದು

ಭಾರತ ಸರಕಾರವು ಪೈರೇಟ್‌ಬೇ ಜಾಲತಾಣವನ್ನು ನಿರ್ಬಂಧಿಸಿದ ಬಗ್ಗೆ ಇದೇ ಅಂಕಣದಲ್ಲಿ ಪ್ರಸ್ತಾಪಿಸಲಾಗಿತ್ತು. ನಿಜವಾಗಿ ನೋಡಿದರೆ ನಿರ್ಬಂಧ ವಿಧಿಸಿದ್ದು ಚೆನ್ನೈ ಹೈಕೋರ್ಟ್. ಟೊರೆಂಟ್ ಜಾಲತಾಣಗಳ ಮೂಲಕ ಸಿನಿಮಾಗಳನ್ನು ಕೃತಿಚೌರ್ಯ ಮಾಡಿ ಹಂಚುತ್ತಿದ್ದರು. ಅವುಗಳ ಸೂಚಿ ಪೈರೇಟ್‌ಬೇ ಜಾಲತಾಣದಲ್ಲಿ ದೊರೆಯುತ್ತಿತ್ತು. ಆದರೆ ಹೈಕೋರ್ಟ್ ಪೈರೇಟ್‌ಬೇ ಜಾಲತಾಣ ಮತ್ತು ಟೊರೆಂಟ್ ಜಾಲವನ್ನು ನಿರ್ಬಂಧಿಸಿತ್ತು. ಅಂತರಜಾಲ ಸಂಪರ್ಕ ಸೇವೆ ನೀಡುವವರು ಇದರ ವಿರುದ್ಧ ಅಪೀಲ್ ಮಾಡಿದ್ದರು. ಎಲ್ಲ ಜಾಲತಾಣಗಳನ್ನು ನಿರ್ಬಂಧಿಸಬೇಕಾಗಿಲ್ಲ, ಕೃತಿಚೌರ್ಯ ಮಾಡುವ ಜಾಲತಾಣದ ಮುಖ್ಯವಾಗಿ ಆ ಫೈಲ್ ಇರುವ ಜಾಲತಾಣದ ವಿಳಾಸವನ್ನು ಮಾತ್ರ ನಿರ್ಬಂಧಿಸಿದರೆ ಸಾಕು ಎಂಬ ವಾದವನ್ನು ಕೋರ್ಟ್ ಒಪ್ಪಿಕೊಂಡಿತು.

e- ಪದ


ಮೈಕ್ರೋಸಾಫ್ಟ್ ಸರ್ಫೇಸ್ ಟ್ಯಾಬ್ಲೆಟ್ (Microsoft Surface Tablet) - ಮೈಕ್ರೋಸಾಫ್ಟ್‌ನವರು ಇತ್ತೀಚೆಗೆ ಘೋಷಿಸಿದ ಎರಡು ಹೊಚ್ಚ ಹೊಸ ಟ್ಯಾಬ್ಲೆಟ್ ಗಣಕಗಳು. ಇವು ವಿಂಡೋಸ್ ೮ ಆಧಾರಿತವಾಗಿವೆ. ೨೦೧೨ರ ಕೊನೆಯಾರ್ಧದಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಾಗುವ ನಿರೀಕ್ಷೆಯಿದೆ.

e - ಸಲಹೆ

ಗಾಬ್ರಿಯೆಲ್ ಅವರ ಪ್ರಶ್ನೆ: ನನಗೆ ಇಂಗ್ಲಿಶ್‌ನಿಂದ ಕನ್ನಡಕ್ಕೆ ಅನುವಾದ ಮಾಡುವ ತಂತ್ರಾಂಶ ಬೇಕು. ಲಭ್ಯವಿದೆಯೇ?
ಉ: ಪೂರ್ತಿಪ್ರಮಾಣದ ಅನುವಾದಕ ಇಲ್ಲ. ಗೂಗ್ಲ್‌ನವರ ಅನುವಾದ ಸವಲತ್ತು ಬಳಸಿ ನೋಡಬಹುದು (translate.google.com). ಅದೂ ಪರಿಪೂರ್ಣವಾಗಿಲ್ಲ.

ಕಂಪ್ಯೂತರ್ಲೆ


ಫೇಸ್‌ಬುಕ್ ಗಾದೆ: ಫೇಸ್‌ಬುಕ್‌ನಲ್ಲಿ ಲೈಕ್ ಮಾಡಿ ಸಾಲ ಕೇಳಿದರಂತೆ

ಸೂಚನೆ

ಮೂರು ವರ್ಷಗಳಿಂದ ಸತತವಾಗಿ ಹರಿದು ಬರುತ್ತಿದ್ದ ಗಣಕಿಂಡಿ ಅಂಕಣಕ್ಕೆ ಸದ್ಯ ವಿರಾಮ. ಮುಂದಿನ ವಾರದಿಂದ ಅಂಕಣ ಇರುವುದಿಲ್ಲ. ಎಲ್ಲ ಹಳೆಯ ಲೇಖನಗಳನ್ನು ಮತ್ತು ಹೆಚ್ಚಿನ ಮಾಹಿತಿಯನ್ನು ganakindi.blogspot.in ಜಾಲತಾಣದಲ್ಲಿ ಓದಬಹುದು.
(ಈ ಸಂಚಿಕೆ ಕನ್ನಡಪ್ರಭದಲ್ಲಿ ಪ್ರಕಟವಾಗಿಲ್ಲ)

11 ಕಾಮೆಂಟ್‌ಗಳು:

  1. ನಮಸ್ತೆ ಸರ್, ಅಂಕಣ ನಿಲ್ಲಿಸುವ ಪ್ರಕಟಣೆ ಓದಿ, ಬೇಜಾರಾಯ್ತು ಸಾರ್, ಪ್ರತಿ ಸೋಮವಾರ ನಿಮ್ಮ ಅತ್ಯಮೂಲ್ಯ ಸಲಹೆ, ಬರಹಗಳಿಗಾಗಿ ಕಾಯ್ತಾ ಇರ್ತಾ ಇದ್ದೆ. :(

    ಪ್ರತ್ಯುತ್ತರಅಳಿಸಿ
  2. ಬೇರೆಲ್ಲಾದರೂ ಅದು ಸದ್ಯದಲ್ಲೇ ಬರಲಿ.

    ಪ್ರತ್ಯುತ್ತರಅಳಿಸಿ
  3. ನಿಮ್ಮ ಬ್ಲಾಗ್ ಅನ್ನು ತಪ್ಪದೇ ಓದುತ್ತಾ ನನ್ನ ಕಂಪ್ಯೂಟರ್ ಜೊತೆಗೆ ನಾನೂ ಕೆಲ ವಿಷಯಗಳಲ್ಲಿ ಅಪ್ಡೇಟ್ ಆಗಿದ್ದೇನೆ!. ನಿಮ್ಮ ಗಣಕಿಂಡಿ ಬರವಣಿಗೆ ಮುಂದುವರಿಯಲಿ. ಸರ
    ಳ ರಿತಿಯಲ್ಲಿ ಹೊಸ ವಿಷಯಗಳು.,ಪದಪರಿಚಯ ಕಂಪ್ಯೂತರ್ಲೆ ಇವೆಲ್ಲವೂ ಇನ್ನು ಮುಂದೆ ಮಿಸ್ ಮಾಡಿಕೊಳ್ಳುವದನ್ನು ಊಹಿಸಲೂ ಸಾದ್ಯವಿಲ್ಲ.
    ಸರ್ ದಯವಿಟ್ಟು ಒಂದು ಚಿಕ್ಕ ವಿರಾಮದ ನಂತರ ಬ್ಲಾಗ್ ಮುಂದುವರೆಸಿ.
    ವಂದನೆಗಳು.

    ಪ್ರತ್ಯುತ್ತರಅಳಿಸಿ
  4. ದಯವಿಟ್ಟು ನಿಮ್ಮ ಅಂಕಣವನ್ನು ನಿಲ್ಲಿಸಬೇಡಿ

    ಪ್ರತ್ಯುತ್ತರಅಳಿಸಿ
  5. ನಿಮ್ಮ ಬ್ಲಾಗ್ ಅನ್ನು ತಪ್ಪದೇ ಓದುತ್ತಾ ನನ್ನ ಕಂಪ್ಯೂಟರ್ ಜೊತೆಗೆ ನಾನೂ ಕೆಲ ವಿಷಯಗಳಲ್ಲಿ ಅಪ್ಡೇಟ್ ಆಗಿದ್ದೇನೆ!. ನಿಮ್ಮ ಗಣಕಿಂಡಿ ಬರವಣಿಗೆ ಮುಂದುವರಿಯಲಿ

    ಪ್ರತ್ಯುತ್ತರಅಳಿಸಿ
  6. your language, writing style and the inventing new words in kannada are simply super sir. i'm one if the regular reader of this blog. please dont stop.

    ಪ್ರತ್ಯುತ್ತರಅಳಿಸಿ
  7. ಗಣಕಿಂಡಿ ನನ್ನ ಮಟ್ಟಿಗಂತೂ ಗಣಕ ಲೋಕಕ್ಕೆ ಕಿಂಡಿಯಾದದ್ದು ಸುಳ್ಳಲ್ಲ. ಪ್ರತೀ ಸೋಮವಾರ ಕುತೂಹಲದಿಂದ ಮೊದಲು ಓದುತ್ತಿದ್ದ ಬರಹ ಅದು. ಪುಟ್ಟ-ಸರಳ ಹಾಗೂ ಉಪಯುಕ್ತ. ಮಾಹಿತಿಯಷ್ಟೇ ಅಲ್ಲ, ತರ್ಲೆಯೂ ಇತ್ತಲ್ಲ: ವಿಶಿಷ್ಟ ಅಂಕಣವೇ ಸರಿ.
    ಪ್ರಜಾವಾಣಿಯಲ್ಲಾದ್ರೂ ಸಿಗ್ತೀರಲ್ಲ; ಅದೇ ಸಂತೋಷ...
    ಧನ್ಯವಾದ

    ಪ್ರತ್ಯುತ್ತರಅಳಿಸಿ
  8. Pls do not stop writing. I love to read your blog.
    Pls continue this blog.

    ಪ್ರತ್ಯುತ್ತರಅಳಿಸಿ
  9. ಗಣಕಿಂಡಿ ಅಂಕಣದಿಂದ ಬಹಳ ವಿಷಯಗಳನ್ನು ತಿಳಿದುಕೊಂಡಿದ್ದೇನೆ. ಚುಟುಕುಮಾಹಿತಿಗಳು ಕೊಟ್ಟ ಜ್ಞಾನ ಅಪಾರ. ’ಗಣಕಿಂಡಿ’ ಮತ್ತೆಲ್ಲಾದರೂ ತೆರೆದುಕೊಳ್ಳಲಿ. ಧನ್ಯವಾದಗಳು.

    ಪ್ರತ್ಯುತ್ತರಅಳಿಸಿ
  10. Sir, regarding playCarrom.com, if you press the Space bar on keyboard you will see the visual aiming guide. And regarding the coin hitting sounds, it is present in game.

    ಪ್ರತ್ಯುತ್ತರಅಳಿಸಿ
  11. ದಯವಿಟ್ಟು ನಿಮ್ಮ ಅಂಕಣವನ್ನು ನಿಲ್ಲಿಸಬೇಡಿ

    ಪ್ರತ್ಯುತ್ತರಅಳಿಸಿ